Plantun de Prouvènço

Pèr coumpara dos planto d'encò nostre

Vallisneria spiralis & Romulea ramiflora

Erbo-di-frisoun

Vallisneria spiralis

Hydrocharitaceae

Àutri noum : Embuscun, Limoun.

Noms en français : Vallisnérie, Vallisnérie en spirale.

Descripcioun :
L'erbo-di-frisoun es uno planto diouïco que fai de coulounìo emé si fiéu ; li fueio soun verdo, longo, plato e larjo de 10 à 15 mm. Pèr li flour leissaren counta F. Mistral (Mirèio, cant V) "(...) l'erbeto di frisoun ; - A dos floureto, separado - Bèn sus dos planto, e retirado (...) - Mai quand vèn de l'amour pèr éli la sesoun - Uno di flour, touto souleto, - Mounto sus l'aigo risouleto - E laisso au bon soulèu espandi soun boutoun ; (...) - I'a l'autro flour qu'es trefoulido, - E la vesès, d'amour emplido, - Que nado tant que pòu pèr ié faire un poutoun. - E, tant que pòu, se desfrisouno - De l'embuscun que l'empresouno"...

Usanço :
Li fueio sarien manjado dins l'Asìo dóu levant.

Port : Erbo
Taio : 20 à 60 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Vallisneria
Famiho : Hydrocharitaceae

Coulour de la flour : Verdo
Petalo : 3
Ø (o loungour) enflourejado : 0,5 à 1,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Termoumediterran à Mesoumediterran
Couroulougi : Subretroupicalo
Ref. sc. : Vallisneria spiralis L., 1753

Roumulèio(-ramificado)

Romulea ramiflora

Iridaceae

Nom en français : Romulée ramifiée.

Descripcioun :
Aquesto roumulèio trachis dins li pelouso sablouso pas trop liuen de la mar. La fau cerca en fin d'ivèr que flouris d'ouro dins l'annado. Romulea ramiflora èi pulèu forto e pòu faire de mato. La o li flour (de 1 à 5), pulèu pichoto soun roso emé lou founs rega de poupro e de jauno. Li fueio soun longo e espesso. La brateolo a lou mitan verd mai larg que li bord.

Usanço :
Couneissèn pas d'usanço particuliero pèr aquelo planto. D'estùdi d'aro an moustra qu'avié de prouprieta anti-óussidanto.

Port : Erbo
Taio : 10 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Romulea
Famiho : Iridaceae

Ordre : Iridaceae

Coulour de la flour : Vióuleto
Petalo : 6
Ø (o loungour) flour : 12 à 16 mm
Flourido : Printèms Ivèr

Sòu : Si (Ca)
Autour basso e auto : 0 à 50 m
Aparado : Noun
Febrié à mai

Liò : Pelouso umido - Prado marino - Trepadou
Estànci : Termoumediterran à Mesoumediterran
Couroulougi : Estenoumediterrano
Ref. sc. : Romulea ramiflora Ten., 1827

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vallisneria spiralis & Romulea ramiflora

ges

Coumpara Erbo-di-frisoun emé uno autro planto

Coumpara Roumulèio(-ramificado) emé uno autro planto